Page 76 - Brenn_2014
P. 76
Gedichte bis 2015 Hubert Brenn (Längenfeld im Ötztal)
Gewinnar und Verlierar
Es geit Gewinnar und Verlierar
in Schpörchrte, bein Schpiln, bein Wettn, iberoll
und ö in Lebm
atoel gean grodeaus auf dr Gewinnarschtroße bis ins Zil
one amol ö lei aweagele ozekemen
ondere tien olles, wosn se kenntn, selln und mießn
und öfte et nö aweag mea und dribr außn
obr es nutzet nit vil ödr sögor gor nuicht
si kemen decht nit weitar
gleich wosn se tien
apor gebm galign au und kuglen in a schworchrzes Löch
drhöln si numma und gean unter
ondern gelinget olles, geat schier vo salt
und werchrt olles ze Göld, wosn se ongreifn
sein olm vöer dron und mischn öerdelach mit
olle mechtn mr gewinnen
obr wös Gewinnar geit, geits ö Verlierar
i woeß nit recht, ze di welhn i geher
Seite 76
