Page 80 - Brenn_2014
P. 80
Gedichte bis 2015 Hubert Brenn (Längenfeld im Ötztal)
Lei wegn dir
Dr Summer ischt wie a lechrigs Foß
olm regnts und is iberoll noß
kaum geat man außn an Schritt vöer di Tier
plerchrt dr Himml – eppan gor wegn dir
Grod amerchrt nö hot di Sunna gschin
a Hitze, daß i moen i vrbrinn
iez tüets wos wie bein Waltuntergong schier
dr Himml plerchrt – eppan gor wegn dir
Mir brauchn Regn hi und do amol
obr wenns olm lei soechet is a Quol
a sella Sauwetr, i konn nuicht drfier
dr Himml plerchrt – eppan wöll wegn dir
Seite 80
