Page 33 - Brenn_2015
P. 33
Gedichte 2015 Hubert Brenn (Längenfeld im Ötztal)
Di öbrn Zehntausnd
Si schaugn ibr an weck
behondlen an wie in leschtn Dreck
holtn si fier woeß Gött wen
gebm on si kennen die und den
Si schneidn au, daß si di Balkne biegn
si glöbm salt an moeschtn, wosn se zommliegn
si kritisiern und moßn si olles on
wos ondere ze tien hobm, bschtimmen se, obr holtn si salt nit dron
Si moen frei one Todl ze sein
gunnen ondern koen oezign Schtrol Sunnenschein
trogn di Nosa wöltan weit döbm
sein unvrschamt und töll ogehöbm
Si hobm lengscht is rechte Moß vrlöern
sein ibrheblach und onmoßat wöern
vrlauter i dunk mi und i bin
hobm se nit ums Vrreckn nö eppas onders wos lei si salt in Sinn
Seite 33
