Page 36 - Brenn_2015
P. 36
Gedichte 2015 Hubert Brenn (Längenfeld im Ötztal)
Di Zeit ischt do
Di Zeit ischt do, wos gean will gean ze lossn
wos ze sein geherchrt, drhebet niemat au
dr Wind jet di durrn Blattlen durch di Gossen
und tausig schware Tritte schteign drau
Di Zeit ischt reif, hot olm nö vil ze bietn
nö geits genüeg worme Toge, die an außn löckn
es ischt frie genüeg, wenn di Schtirme wietn
foscht lei mea in gehoezatn Schtuben ze höckn
Di Zeit geat fier, man nimmets nit recht wor
und moet, es bleibet olm gleich, öb geschtern, margn, heit
obr schaug lei in Schpiegl, und es werchrt an klor
do hot si eppar töll vrendrchrt mit dr Zeit
Seite 36
