Page 18 - Brenn_2016

Gedichte 2016 Hubert Brenn (Längenfeld im Ötztal)

Fukushima

Öb se wöll amol drzüe lernen
vileicht
endlach
nöet tats
Zeit wars
obr es schauget nit gor asö drnoch aus
si troeln weitar
und tarlen und schpredern
wos wie wenn nuicht gewesn war
wos wie wenns asö ze sein geherat
obr si rennen dr Worheit drvon
und iern Unglicke nochn
und si bsinnen si erchrt, wenns amol ze schpate ischt
vil ze schpate
oftr wöll plern und rötzlen und schnudern und schreien
und jammern und betn
und numma drschtelln
oftr, wenn olles zomm numma vil nutzet
zerchrt konn koe Pröfit foeß genüeg sein
wenns oftr a Pöedn wöern ischt und vriblt
wenn dr Bröckn schier numma ze schlindn ischt
wenn se umha zwozlen und flottern wie a Weiwoltar in Liechte
wie a Hossla, die nit firhig kimmet
oftr geats nen vileicht au
obr wie gset
ze schpate
weil se decht nö nie eppas drzüe gelernt hobm

Seite 18