Page 19 - Brenn_2016

Gedichte 2016 Hubert Brenn (Längenfeld im Ötztal)

Gamezzn-Jogd

Si welln decht olle lebm
olle seins Göttes Gschepfer
ö is Vihe
und ö die Gamezza, die se asö widrlach ogemurkset hobm
asö gepeinigt
asö umbormharchrzig umbrocht
zerchrt ongschössn one recht ze treffn
drnoch ibr schpitzige Schtoer gezöhn
koe Drbormen gehobm
und erchrt galign amol drleaset
mit an Messer blüetig ogschtöchn
den gonzn Gemetzgre, Leidn und unwirdign Schauschpile endlach an Ende
gemochet
zelescht nö in Gamezzborchrt ogschnitn
mit den blüetröetn Messer
und di oen sein drum umha gschtondn und hobm züegschauget
wos wie wenn se olles zomm nuicht ongang
sögor nö geklatschet, wies fier gewesn ischt
do wöll Waidmannsheil
Waidmannsdonk konn i do lei sogn
und es beitlt mi o und es tüet mr hüenoglen, wenn i dron denk
obr nit, weil mr ze kolt war
wenns schöen sein müeß, oftr decht in Götts Nomen asö, daß koes leidn
müeß
si sein isre Mitgschepfer
si welln decht ö olle
lebm
lei ibrlebm

Seite 19