Page 17 - Brenn_2018

Gedichte 2018 Hubert Brenn (Längenfeld im Ötztal)

Mit Kindern umgean

Nit olm olles iez und glei und ruck-zuck
asö kimmet a Kind lei töll unter Druck
mit aweag Feingfil sicht mans wöll in
a Mensch ischt schließlach koe Maschin
A Kind konn nit auf Knöpfdruck funktioniern
a Kind brauchet ö nit olm glei ze pariern
öfte geats e lei drum, daß eppar sein Willn durchsetzet
one drau ze ochtn, wie tölls ondere vrletzet
Es brauchet bsunders mea Geduld und in Moßn
ö mea Ricksichtnome und di oen ö galtn lossn
jeder Mensch hot sein Willn und sei Wirde, ö a jeds Kind
es werchrt schöen fölgn, tien, wies sell, obr frei und nit blind
Es geat olles genau asö güet ö one Druck und Zwong
Kinder hobm ö nö an bsundern Freiheitsdrong
koe Froge: Reglen brauchets, obr dribr außn is glei amol ze vil
in Umgong drmit brauchets a güets Gschpier und Fingerschpitzngfil

Seite 17