Page 18 - Brenn_2018

Gedichte 2018 Hubert Brenn (Längenfeld im Ötztal)

Mit Vihern umgean

Es ischt eigntlach nit ze vrschtean:
do hot a Röß gemiescht elendig zegrunde gean
asö hot mans geploget und gschundn
und ricksichtslös vöer a Kutscha gebundn
Umgongen ischt man drmit gröbe und wiescht
a Kutscha völl Leite hots ziehn gemiescht
bis es es oefoch numma gepocket hot
und nö hots dr Kutschar nit in Rüe gelot
Vil ze weag ödr nuicht zen Trinken und Fressn bekemen
hots bis gen leschtn Schnaufar gemiescht die Quol auf si nemen
es ischt zommgebröchn, nö apor Zwozlar, oftr hots numma gelebet
es hot, wos man nen mit vil Züeschaugarn züegemüetet hot, numma ausdrhebet
I müeß oefoch frogn: wie konns dos gebm und worum
asö geat man decht mit koen Lebewesn um
aus purer Galdgier gschichts und gonz one Gschpier
in dr irrign Moenige: e lei a Vihe, und gehern tüets e mir

Seite 18