Page 26 - Brenn_2018

Gedichte 2018 Hubert Brenn (Längenfeld im Ötztal)

A richtigs Engele

Daß a Kind, dos dr Herrgött widr züe si nimmet
schnurschtrocks glei auhn in Himml kimmet
und a kloes Engele werchrt
hon i dr drzelt und drklerchrt
Widr ischt a kloes Madele drtrunkn
ins Schwimmbod gekuglt und glei ogsunkn
es hot si numma widrbelebm gelot
weil mans erchrt vil ze schpate drochtet hot
Du hoscht gset: „Schutzengele mein,
i mechtat ö a richtigs Engele sein!“
I bet drum, daß dr nuicht gschicht
und daß man olm olles, wos de tüescht, ö drsicht
Woescht, do ischt eppas, wos i dr sogn mecht:
inser Engele bischte und bleibeschte decht
mir hobm di oefoch unsogbor gern
mindeschtns hunderchrt und nö mea sellschte wern

Seite 26