Page 30 - Brenn_2018

Gedichte 2018 Hubert Brenn (Längenfeld im Ötztal)

Inhn schaugn

I hon in Döktar in mi inhn schaugn lossn gemiescht
i kannt nit sogn, öb is nö amol liescht
i müeß jo sogn, wea hots eigntlach nit geton
ö wenn i drvöer schöen ollerhond mitgemochet hon
In Tog drvöer hots gehoeßn foschtn schtott essn
drfier umsö mea trinkn, in Liter ze messn
an bsundern Soft drzüe, der an öerdelach ausramet
i bin vil an Heislan gehöcket, hon mi obr drwegn nit gschamet
An negschtn Tog oftr hot di gonze Prözedur schtottgfundn
dr Döktar hot inhn gschauget und mi aweag gschundn
i hon schlofn kennt, drweil ar mi untersüechet hot
vo vöer und vo hintn, drnoch ischt man schier aweagele mott
I bin iez fröe, daß i dos olles hinter mr hon
sö gahe bekemen si mi eppan wöll numma dron
es hot obr sein gemiescht, und zelescht hot ar mi nö wissn gelot
daß ar bein beschtn Willn ollerhond, lei koe Seale gfundn hot

Seite 30