Page 33 - Brenn_2018
P. 33
Gedichte 2018 Hubert Brenn (Längenfeld im Ötztal)
Dr negschte Schritt
Atie geats numma weitar, man schtecket fescht
man tüet und pröbierchrt, wenn mans lei wescht
man woeß si öfte koen Rot mea, tüet si schware drmit
do hilfet lei oes: dr negschte Schritt
Wie di Fluigen bein Liechte drschtellet man nit aus
es ischt wie in a Follen, man kimmet numma draus
man tüet, wos man konn, obr olles zomm hilfet nit
wos an vileicht bleibet, ischt nö amol a negschter Schritt
Wos miglach gewesn ischt, hoschte geton
vil hots nit brocht, endar nuicht genutzet, iez bischte kesslon
iez reiß di zomm, an leschtn Kroftakt, an radikaln Schnitt
sellamol bleibet lei mea oes ze tien: nemlach dr negschte Schritt
Amol oftr werchrts asö weit sein: dr leschte Schritt ischt geton
du hoscht an sövl gemochet, obr koen oeziger mea schluißet si on
di Lischta ischt a longe, wos man nö gern olles drtat
und man tat nö gern an negschtn Schritt, wenn man lei nö oen hatt
Seite 33
