Page 5 - Brenn_2018
P. 5
Gedichte 2018 Hubert Brenn (Längenfeld im Ötztal)
Schepfargött
A kloes nockats Vegele, nö nit longe gschlipfet
leit an Bödn, i hons augelipfet
Wöll ausn Neschte gflögn, hots nit ibrlebet
hot den Ibrlebmskompf nit ausgehebet
I hons augenömen und in Falde begrobm
es hot lei a kurchrzes Lebm gehobm
Obr mir geat die gonze Gschicht nit in
auf die Walt kemen und glei drau schtarbm drgeit fier mi koen Sinn
I hon wöltan longe dribr nochgedocht
Insichtn und Ontwörchrtn hots mr bis iez nö nit brocht
Obr die Gschicht lot mr olm nö koe Rüe
wenn Gött asö ischt, wie se sogn, lot ar sö eppas nit züe
Er konn decht nit zerchrt a Lebm gebm und glei drau widr nemen
i bin in der Soche nö ze koer Lesige kemen
Seite 5
