Page 9 - Brenn_2018

Gedichte 2018 Hubert Brenn (Längenfeld im Ötztal)

Faktn

Es ischt schier nit ze fossn
wos si di Leite olles fiermochn lossn
es werchrt an sövl ingepluiet
ollerhond ingeredet und vöergekuiet
wosn se an in dr Pölitik olles glöbm mochn
in di Kirchen ö di unmiglacheschtn Sochn
es geit sövl ze lernen, wos bei weitn nit schtimmet
obr güet Glick, wenn mans nit fier wichtig nimmet
man werchrt ad dr Nosen umha gfierchrt
und vo zmöerns bis znochts manipulierchrt
nit olles ischt wor, wos in Biechern und Zeitigen schteat
ödr ols Nochricht durchn Rundfunk geat
wos in Fernseahar kimmet, ischt öfte a Schtuss
ö sischt di Medien sein nit lei a Höechgenuss
Leite, des mießatet grod aweagele auwochn
oftr kanntn se enk nit sövl fiermochn

Seite 9