Page 48 - Brenn_2019
P. 48
Gedichte 2019 Hubert Brenn (Längenfeld im Ötztal)
Schwoche schtorke Letre
Olm gemoet dr schtorke Löter ze sein
nie dron gezweiflt
und nie an Zweifl dribr aukemen gelot
gewescht wie tien und wos sogn
und wenns gor nit gekloppet hot, atie ö nochgehölfn
olm ols erchrter in Leffl in dr Pfonnen gehobm seit olters hea
und ols erchrter genüeg gehobm
olm bschtimmet und ongschoffn, wos di oen ze tien hobm und derfn
olm is Sogn gehobm unds leschte Wöerchrt und atie lei weag bis koe Ricksicht
genömen
obr iez
wö se numma asö auf nen lösnen
wö atie eppas aweag onderchrt wöern ischt mit dr Zeit
und si di Weiberleite und ö di Kinder numma grod olles gfolln lossn
ö mea Recht hobm
und si ö mea züetrauen und außa nemen
wenns gonze Umha-Schreien und Schiehe-Tien nuicht mea bringen
numma nutzn
bleibet nen nuicht mea wos Wietn und Gewolt
Züeschlogn, Tretn, Zötlen, Röttlen, und Züeschtechn
weil sischt kemen se si wöltan kline, schwoch und hilflös fier
und wissen se si onderchrt numma ze halfn
Seite 48
