Page 41 - Fischer 2018
P. 41
Gedichte bis 2018 Eva-Maria Fischer
Es war wieda soweit!
Es war wieda soweit fia a Weihnochtsgedichtl
des vü Leitl´n gfreit.
Nur in dem Johr, i kus net gonz genau song
tua i des viele Weihnochtsgeschäft net datrong.
De Gödmocherei mit der Weihnochtszeit
nimmt mia imma mehr de Weihnochtsfreid.
Donn steh i mittn drinn in der lautn Vorweihnochtszeit,
schau mi um und frog mi donn jedes Johr ganz stumm.
Ob de Leitln wircklich vestondn hom um wos in da Adventszeit geht.
Obs wircklich nu de feinen Gräusche hean,
de in da Adventzeit oafoch dazu kean.
Und mittn in dem Weihnochtswahn moch i meine Augn zua
und stö mia a ondare Weihnochtszeit vua.
A koids Windl kimmp vom Winterwoid
und oan is noch an Weihnachtsspaziergong so richtig koid.
Sich danoch an hoassn Tee donn mochn
mit Zimt und Orangan drinn,
und vielleicht nu a guats Keksä dazu,
mit Mandlgruch und Schokoguß,
des is a feiner Genuss
Im wormen Stiwä bei Kerzenschein
den Tee und as Keksä genieß´n
und dazu leise Weihnochtsmusik spün
des mocht Weihnochtn richtig scheen.
Genau des san fia mi besinnliche Weihnochtszeitn,
de oan as gonze Lebm long begleitn.
Seite 41
