Page 43 - Fischer 2018
P. 43
Gedichte bis 2018 Eva-Maria Fischer
Insre Berg
Zwoa Tog homma insre Berg auf
a Hittn mit ollen Sinnen genießn deafn.
Der Gruch vo feichtn Moos, Gros
und a guatn Luft, es gibt koan bessan Duft.
Wenn meine Finga de Wiesn und de Erdn gspian
mi diaf im Herzn berührn,woas is gonz genau
i liab mei oite Frau.
Da Gschmock vom Wossa des entsprunga is
vo a Quön, gonz frisch und prickelnd
wia unsa Lebm.
Wenn de Kinda mitn Logafeier Teufi spün
und de Würstl am Steckerl verglühn,
wenns an Bichi aufi und owi graxln
und über Bachä und Wiesn lafn,
wenns oafoch umma lieng und den Wolkn Noman gem,
donn steig de Freid mit kloanen Sochn,
de a nu gonz vüh Spass heut mochn.
De wärm vom Faier umormt uns gonz fein fia de Nocht
und des laichtn vom Mond und de Stean,
des mog i so gean.
Zwoa Tog homma insre Berg auf
a Hittn mit ollen Sinnen genießn deafn....
Seite 43
