Page 47 - Fischer 2018
P. 47
Gedichte bis 2018 Eva-Maria Fischer
A Muschl
A Muschl auf an Stoa,
so fest verbunden mit da Natur und mitn Lebm,
des is wunderschön zu sehng.
Des Meerwasserl wos longsom
owa regelmäßig kimp, is nur fia de
Muschl bestimmt.
Den Glonz auf da Muschl
de Muster und Forbm,
bleibm koan kloren Menschen verborgn.
A bei Sturm und Gischt, werden Forbm, Lichta
und Muster vermischt.
Nur da Plotz bleibt da gleiche aufn Stoa,
denn de Verbundenheit lost oan nie alloa.
De ruhige regelmäßigen Wön,
hom mia a de gsunde Ruha wieda gem.
Des Lebm so fest und stork zu gspian,
wia de Muschl und da Stoa sich berühn.
A Muschl auf an Stoa,
so fest verbunden mit da Natur und mitn Lebm,
des is wunderschön zu sehng.
Seite 47
