Page 53 - Fischer 2018
P. 53
Gedichte bis 2018 Eva-Maria Fischer
So schod...
Es is so schod
wenn ma nimma oit wean deaf,
des lochn verliehrt
denn ma kunt jo de
Feuterl seng und des findn de
Leit heut nimma schen.
Wenn a poor Kilo bei oan zuvü
nimma sche sei deaf,
und de Leit oan imma sog,
wias eigentlich „richtig“ keascht.
Nix deaf wockln ois muass straff
und knackig sei und des
am besten nu mit 45 obendrei.
Es is so schod, wenn oan
sei eignes Spieglbüd donn traurig mocht,
nur weil de Leit oan
nimma oit wean losst.
Das de Leit in Feutn nur wos schlechtes seng
und nimma de Feutn ois Zeichen vom Lebm begeng,
denn genau des mocht a G´sichtl
jo so schen.
Owa zugleich de innere Schönheit verliehn,
weils des oit wean nimma akzeptieren.
Es is schod, dass ma nimma
oit wean deaf...
Seite 53
