Page 55 - Fischer 2018
P. 55
Gedichte bis 2018 Eva-Maria Fischer
Winterwoit!
Wenn im Winterwoit
de ruhige Zeit jetzt kimmp
und as Moos und de Erdn teilweise
unter der weissn Deckn verschwind.
Wenn de Zugvögl in da Luft,
Richtung Südn donn gleiten
und Igel und Eichhörnchen sich
fürn Winter vorbereiten.
Wenn da koite Wind durch de Astl´n
vo de Bam donn wad
und da Jaga as Fuatta fia de Viehcha
in de Fuattakippm eini lad.
Wenn de Sun gonz goidn und stüh
in den Winterwoit donn stroit
und des funkeln vom Schnee
de Londschoft übermoit.
Jo donn is da Winterwoit bereit
fia de ruhige
Vorweihnochtszeit.
Seite 55
