Page 60 - Fischer 2018
P. 60
Gedichte bis 2018 Eva-Maria Fischer
Insa Oma...
Insa Oma hot im Lebm, imma nur des guate gseng....
Wenns kocht hot fia uns oi
„auszochne Nudln“ mit an guatn Kompotte dazua
wor a in ihrer Kuchi kurz a ruha.
Olle hom ihr Essn genossen und meng,
wos sie gfreit hot uns zu seng.
De vün Ratscherl mit ihr,
ob im Frühling oder Summer auf´m Bankä im Gortn
oder im Herbst und Winter im wormen Stiwä
aufm Diwan beim Ofen.
I woas nu vü Hechenberger Weisheiten und Anektoten
„ Fia an guatn Arbeiter san 2 Kinder woitan gnuag“
„ Wenn ma im Lebm a guater Mensch is,
donn kus net so weit feihn.“
„Zum Himmi aufi kemman olle und de Gerechtigkeit im Lebm,
koana ku sei Göd mitnehmma.
Olle san im Himmi gleich nur monche bleim im Herzn reich.“
Owa donn is ois gonz onascht kemma
und de Demenz hot u´fong ihr as Lebm z´nemma.
Trotzdem host a des akzeptiert und nu fest
mit uns de Sun und des JETZT genossn,
a wenn´s imma weniger wuan is und du di host
in dei ondare Wöt verschlossn.
Seite 60
