Page 76 - Fischer 2018
P. 76
Gedichte bis 2018 Eva-Maria Fischer
Luxus
Wia vü Luxus braucht´s im Lebm
damit de Leit zu friedener lebm?
Vü denkn glei ans goße Göd
mit vü teire Heisa auf da gonzn Wöt.
Vü teias Gwond und nu Marknschuchä dazua,
des mussa a sei, da Luxus pur.
Nimma arbeiten geh miassn
und an gonzn Tog nur überleng,
fia wos kunt ma nu as Göd ausgem.
Oda ku Luxus a wos onders sei.
A Brunnen mit kloren Wossa drei,
des donn fei rinnt vo meiner Hond
direkt in mein Mund hinei.
Oda ku Luxus a scho sei,
wenn de gonze Familie kimmp bei der Tia herrei
sich gonz ohne Worte verstehn
und sich einfoch gfrein einonder zu seng.
Ku Luxus a guats Essn sei
net teia owa mit vü liab dabei.
Mit de Freind as Essn geniessn
und scheane Erinnerungen einonder berichtn.
Seite 76
