Page 81 - Fischer 2018
P. 81
Gedichte bis 2018 Eva-Maria Fischer
A Augenblick
Wos is a Augenblick nu wert
wenn er nimma gsechn weascht?
Wos ku a Augenblick oan nu gebm
wenn imma weniger Leit sowos dalebm?
De gonze neu moderne Zeit
mit Handy, WhatsApp, Liks,
lossen Augenblicke im Lebm verschwindn
ohne das de Leit nu vü entpfindn.
10 Fotos und 2 Füm
werden vo an besonderen Augenblick donn gmocht
und glei mitn Handy
zu fünfzig „Freunde“ weiterdabrocht.
Dawei wan die besonderen Augenblicke
nur fia oan söwa bestimmt
und des Gfüh in dem Moment
direkt in die Seele rinnt.
De feinen Augenblicke im Lebm
deaf ma net überseng
nur donn ku ma as echte Lebm versteh.
Wos is a Augenblick nu wert
wenn er nimma gsechn weascht?....
Seite 81
