Page 65 - Fischer 2019
P. 65
Gedichte ab 2019 Eva-Maria Fischer
Lebensrätsel
Wos kunt de Ontwort sei?
Wia vü Buchstobm miassn nu hinei?
De Wörter vom Rätsel richtig einzutrogen
und jedes Wort wü a Geschichte aus deim Lebm song.
Nix passt genau in de leeren Zeilen und Spoitn,
gornix lost sich oafoch ausfüllen nur mit Wortn.
Verflixt, wöcha Buchstob passt do nu hinei?
Wia a Wörterbuach mit tausend Seiten drei.
Fong i u narrisch z´wean und immer schnöer zu denken,
damit i mei Lebensrätsel glei ku beenden.
Oder is des Rätsel vom Lebm, koa Problem des zu lösen war.
Sondern a Wirklichkeit de zu erfohn is
und wir zugleich merken, des is jetzt gwiss.
Des oan die richtigen Wörter leise sog
und koana sust dafrog.
Des Lösungswort gonz WAHRHAFTIG
in deine Gedonkn kimmp.
Mein´s hob i gfundn
und dein´s findst bestimmt.
Wos kunt de Ontwort sei?
Wia vü Buchstobm miassn nu hinei?
Seite 65
