Page 77 - Fischer 2019
P. 77
Gedichte ab 2019 Eva-Maria Fischer
Lebensrhythmus
So schmeichelnd wia a Melodie,
treib mi mei Lebensrhythmus fei dahi.
So regelmäßig wia meine Gedonknwön,
de mir gonz leise Geschichtn aus mein Lebm dazön.
Deaf i immer wieder nei mein Lebensrhythmus finden
und net hinter ondare Gedonkn oafoch verschwindn.
Der Weg dahi is net gleich zu entdeckn,
tua immer wieder auf neie daschreckn.
Oft is da Rhythmus zu schnö fia mei Lebm,
dawei bräucht i nur öfter a Pause eilegn.
Zulongsom is da Rhythmus a net fei,
zuvü Zeit zum Denkn, losst oan zu sehr vom Oitog oblenkn.
Den Lebensrhythmus im Jetzt einfonga
und wieder de Mitte erlebm.
Sich wia im Rhythmus zu an Tonz bewegn.
Oafoch mein Herzschlog vertraun,
mit feine Atemzüge auf mein eigenen Rhythmus baun.
So schmeichelnd wia a Melodie,
treib mi mei Lebensrhythmus fei dahi.
Seite 77
