Page 6 - Pöll
P. 6
Gedichte Kathi Pöll
De Wåag und ´s Gwicht
Vo da Wåag und vom Gwicht,
geits nid kåd a Gedicht,
des weascht a långe Gschicht.
Oi Tåg a da Friah de easchte Plåg,
de Wåag tuat nid stimma,
de tuat woi a bissl spinna!
Heit wea is zan Sperrmull toa,
Mit dea wü I nix mea håm z´toa.
Etz hu I ma a toire, noie kaft,
i bi sicha, dass de richtig laft.
Des woaß i schiaga gwiß,
dass auf da noin zehn Kila weanega is.
Vaflixt, de gab i an liawestn glei wieda hea,
be dea hu i a no um zwoa Kila mea.
Etz gehts woi los mitn Fåstn ufånga,
i gibs e zua, des Kidä tuat decht meara spånna.
Zan hungan is, und nix wia Diät,
kåd vom Gwicht geht no de Red.
Oa Puival nåchn onan weascht gnumma,
danåch is a wieda då da gleiche Hunga.
Boid håt ma weaniga, boid mea,
Men Gwicht hoitn des is a Lebn lång a Gschea.
Seite 6
