Page 47 - Patjens

Gedichte Christa Patjens

A Bluamenstrauß gonz bsundrer Art

I hab' für di an Bluamenstrauß
der nit vo dera Welt
den hab' i nur für di alloan
beim liabm Gott beschtellt.

So wunderschian und riesengroaß
nur duftn tuat er nit
doch wärmt er's Herz und a des Gmiat
wenn er durch Forbm red.

Des Weiß und Gelb und Himmelblau
bringt Fröhlichkeit und Lachn
des helle Rot, des gibt da Kroft
wird munter di scho mochn.

Und des Oransch der Ringelbluam
isch scho in oller Mundn
des hilft worscheinlich a bei dir
sollsch du mol rasch a gsunden.

Des Rosa hoalt dei Herz gonz schnell
isch es oamol zerbrochn
des tiafe Blau vom Rittersporn
entsponnt di fescht versprochn.

Obsichtlich isch viel Grian dabei
des du a dringend brauchsch
erholt di sonft und gibt da Kroft
bis oller Stress verracht.

Seite 47