Page 105 - Rossa 2

Gedichte Joseph Rossa

Valiabt

Mi hot mei Dasein so vazogt

es hot koa Freud meah gebm
olles mitnanda hot mi plogt

i wollt gor nimma lebm

Dann deng i mia du olta Aff
wem nutzt du wenn du geahst

wos hascht du wenn du miad und schlaff

und du nebn deiner steahst
Aft hun i in den Spiagl gschaugt

und drah mi ummendum

af uomol hots mia selwa taugt
olles an mia herum

I find mei Nosn nit meah krumm

Mei Dickbauch is nit z´groaß
und dass i nit zan Bodn kumm

und dass i vü nit woaß

Mia gfollt af uomol aa mei Gschau
mei Glatzn, dass des gibt...

und mei Figur so au und au

i glaab i bin i mi valiebt

Seite 105