Page 101 - Rossa 2

Gedichte Joseph Rossa

Uhr?

I glaab mei Uhr geaht nimma rund

schaug i kurz Krokus on

zoagt mia mei Uhr: a Viertelstund
hun i damit vaton

Schaug i dem Langs sei Bluomenprocht

wal i des so gearn mog

sogts mia i hun damit vabrocht
den gonzn Vormittog

Ja gibts denn dös dass so vü Zeit
ban unschaung mia varrinnt

dös wor decht lei a kluone Freid -

i glaab, dass mei Uhr spinnt

Seite 101