Page 139 - Rossa 2
P. 139
Gedichte Joseph Rossa
Wos ein Ehemonn nit toan soll
Da Nachbarin roate Rosn schenkn
vorm Bettgiahn an junge Madla denkn
olls wos men denkt a da Liabstn glei sogn
und wenn sie wos onschafft oft noche frogn
mittags ban Essn laut kritisian
im Solot innan oft ummenanda stian
an andere Diandla long nocheschaun
ban Lotto dem Steanzeichn gonz vatraun
und ja den Wirla nit zammenessn
den Geburtstog dea Schwiegamam vagessn
des olles und no vü meah dazua
aft hot men adia a poor Stund a Ruah
Seite 139
