Page 140 - Rossa 2
P. 140
Gedichte Joseph Rossa
Früahjohr
A ganz a zarschta Neblhauch
Liegt raschtn´d übam Moos
Bedeckt an oldn Brombeerstrauch
....sinsch is nicht los....
Da Kirchturm, der vo Jenboch drübm
Zoagt wia a Finga auf
Da Raach isch lei im Moos liegn bliebm
...kriacht ninascht nauf....
Da Lahboch rüahrt se nua gonz müad
Koa bissal Lüftl waaht
An Amsl probt ihr erschtes Liad
...sinsch is olls staad....
Der Schneafleck um des hoache Gros
Tropft wia a Wasserhohn
Bei mia rinnt aa de roate Nos´
...s´Früahjahr geht on…
Seite 140
