Page 46 - Rossa 2

Gedichte Joseph Rossa

..Geflüster von am Kirschbaam

Iatz hun i mi in Langs valiabt

in Bliatnprocht und Duft

grod wia i na so recht vaknallt
do isch er durch, der Schuft

I huns schoa an de Blattlen gmerkt
wias faulig werdn voll Roscht

de Liab isch imma küahla wordn

des End wor Schneea und Froscht.

Iatz mochn mia de jungan Trieb

vü Sorgn, manche Müah
und decht kimmt mia dös so bekannt

aa von de Menschn füa

Uon oanzig laue Summanocht

und schoa isch es passiat

i hun ja aa in dersn Nocht
ebbs wundabors vaschpiat

Iatz gib i vu meinm Lebnssoft
aa wenn a Wassanoat

olls wos i hun, olls wos i kunn
bis meine Früchtchen roat

Seite 46