Page 45 - Rossa 2
P. 45
Gedichte Joseph Rossa
De Zeit, friaga und heut
Wia mia no Zeit ghabt habm, vor Zeit´n
hot men no Zeit ghabt eppan z´griassn
ja Servus Griaß di und wia geht’s dia
und dobei nit auf d´Uhr schaung miassn.
Iatz sogt men „hi“ und schnöi no „tschau“
und rennt und sport an Haufn Zeit
und de Erspornis hot den Nutzn
mia habm iatz olles, lei kuo Zeit
De Zeit oa Wort seit Urzeit schun
men brauchts zan Dasein, nit zan lebn
de Welt besteht gonz ohne Zeit
aus Paarungs und aus Fressenszeit
De Zeit a Flug gonz ohne Wert
a Fuia und a Finsternis
de Zeit vaschwindet in da Zeit
im leeren Weltraum rund um mi
Decht isch de Zeit nit olles Übl
naa olles Übl isch die Zeit
und wer iatz mit da Zeit nit geaht
jaa dersn geaht na mit da Zeit
Seite 45
