Page 59 - Rossa 2

Gedichte Joseph Rossa

Angscht

I hun an Angscht ban Versalschreibm

wos soll i denn lei machn
i mecht nit olm beim gleichn bleibm

und bei de selben Sachn

Des Herz und Schmerz isch so vabraucht

und guat und tuat obzuzzlt

vü Wendungen san ausgehaucht
und zwengs dem Reim vawuzzelt

Dabei hun i zan Schreibn a Lust
mia fahlt lei des Gewisse

i hun aa zwengs dem „Lust und busst“

a diam Gewissnsbisse

Wenn i so schreib, so wia i red

kimmt mia ban dichtn s´Grausn
bei dem Vahau do konn men ned

im Dichtahimml hausn

I bleib a kloanes Dichtalein

wead um die Reime kämpfen
de Kritika solln gnädig sein

und mi nit zu sehr dämpfen

Mei Liachtblick in der Zweifelszeit

des sein meine Kollegen
de stehnan aa nit ollezeit

unta am Reimeregen

Seite 59