Page 83 - Rossa 2
P. 83
Gedichte Joseph Rossa
So isch holt de Natur
Wer schaugt, ban giahn iatz übers Land
Dem lernt da Langs so allerhand
Wos no so tiaf an Dreg innsteckt
Weascht oiwei wiada auferweckt
Konn olls amol a Raschtl tian
Hernoch weaschts wieda weidda giahn
De Kraft de in dem Ollem wohnt
De weascht an Langs mit Lebn belohnt
So isch holt de Natur
An Wold inn isch de Voglwelt
Zum Intermezzo auserwählt
Im Moasnnescht des Kuckucksei
Dem droht koa Fremdnhasserei
De Moasnmuadda ziachtn au
Und gengan aa de eignen drau
So isch holt de Natur
Der Kuckuck weascht a Riesentrum
Bringt fascht de arme Muadda um
An Kuckuck sei Schmarotzerlebn
Des solls aa bei de Menschn gebn
Ma fuattat sie, stopft eah an Kropf
Und dafür scheissns dia am Kopf
So isch holt de...naa....
Des isch nit de Natur....
Des is da Mensch.…
Seite 83
