Page 86 - Rossa 2

Gedichte Joseph Rossa

Guadn Morgn

Bin i noch oana guadn Nocht

in meinem Bett drin aufdawacht

do fiehl i fascht an leisn Schwung
und mia kaam fü i waar no jung

und tua i na oan Haxn naus
do lasst der Schwung a bissal aus

des zwoate raustoa macht mia Müah

i kriag an Stich im rechtn Knia
und stemm i mi sanft in die Heah

na kimmt ea glei - im Kreiz der Weah

a bissl türmelig im Grind
i moa es geaht da worme Wind

der erschte Schritt isch wogglat gnua

i handlt mi da Kuchl zua
de Zeachn und de Händ sein kolt

i bi decht imma no gleich olt

und nit amol a guade Nocht
hot mia des Jungsei zruck dabrocht.

Altersrabatt

Mein Godd i bin hold üwa achzg

do kunn i nicht meah machn

des Trüabsol blosn hot koan Sinn
ma kunn lei drüba lachn.

Oan Vorteil owa siech i schunn

Seite 86