Page 11 - Rossa 3
P. 11
Gedichte Joseph Rossa
Der rechte Glaubn
Wia zelm der olte Pfarrer gstorbn
Vo Kirchstoan an der Wies
"Koa Schodn drum" sogt d´Motzernann
Zur oltn Raunzerlies
"Wia ders Rorate glesn hat
Mit Handschik und a Haubn
Und gar am Volksaltar dazua
Do fahlt der rechte Glaubn"
Dann habns an jungen Pfarrer kriagt
Und der hat lange Haar
Und steht aa an de Feiertäg
Verkehrt rum am Altar
De Raunzerlies gor nimma speist
DeMotzernann hörst schnaubn
Sie schaun zum Himmel: "Lieber Gott
Dem fahlt der rechte Glaubn"
Seite 11
