Page 188 - Rossa 3

Gedichte Joseph Rossa

Brauchdumm

Heut steht Brauchdumm am Programm

Dass ma füa de Gäst wos hamm

mia san um holb neune dron

Ziagn uns brauchdummsmassig on

Ledajackn und Blu Dschinn

san füa de drei Stund nit inn

redn statt „Hi“ und statt „OK“

d´Hoamatsprach, de wo so schee

sogn ned Cola und ned Dschuhss

sunst kriagn mia no an Vadruss

da Vaband füa Volkskultur

is genau und ziemlich stur

neunern heit da „hot dog“ hoasst

und de Fleischkassemml Toast ---

holn de Wadlstrümpf und Wix

juchzn laut des kost uns nix

haun auf d´Schenkl dass olls kracht,

Hauptsach dass da Fremde lacht,

glangt a Gast sich dann ans Hirn

konn er inser Brauchdumm spürn

Seite 188