Page 190 - Rossa 3
P. 190
Gedichte Joseph Rossa
Am Grab
Da olte Huabalois is gschtorbm
Mit seine siemadachzig Johr
De Hebamm hotn ned vadorbm
Wei irgendwann do is holt gor.
A poor habm gwoant, an etle tratscht
De oltn Leit habm bet´t
De Musi is hintnochnd ghatscht
Da Girgl hot trompet´t
De Kränz habms zählt, d´Leit kontrolliert
Am Grob do spitzns d´Ohrn
Und mitzählt habms wer wos schpendiert
---so is er eigrobn wordn---
Des olte Brauchtum ent und drent
War nur mehr eahm bekannt
er wor da leschte ders gekennt
---aber des hot niamands gschpannt.
Seite 190
