Page 218 - Rossa 3

Gedichte Joseph Rossa

Perlen zaubern´s in dein Haar

Fascht kunnt i de Welt vagessen

I find di so wunderbar

I mog des

Wenn de Nebelfetzn halten

Dass a Relief ergibt

Zaubern neblige Gestalten

Dass i in de Welt verliebt

I mog des

Wenn im Nebel Sunnenstrahlen

Treibm ihr Liacht und Schattenschpü

Wenn sie hell und dunkel malen

Des bedeutet mia sehr vü

I mog es

Im Friedhof Nebelfetzen treiben

Und zoagn nua Spitzn vo de Kreuz

I woaß, i konn nimma lang bleiben

Und trotzdem denk i mia:

Mi gfreut des

Seite 218