Page 118 - Rossa 4
P. 118
Gedichte Joseph Rossa
musca domestica (oder die Stubenfliege im Zillertal)
Zwoa Stubmfliagn berotn
zwengs Urlaub an Flug
de oa wü an Fliaga
de andre an Zug
Italien de oane
des mecht sie desmol
de andre war lieba
im schian Zillatol
Noch de zwoa Wochn
do kemmen sie zamm
und tratschn und kudan
vom Reiseprogamm
De uane isch punggat
von Spaghetti und Kaas
Dschelatti und vü
italienischn Gfraaß
Sie sogt zu der andan
„he du“ ziemli laut
„du bisch jo nicht mehr
wia Boana und Haut“
„Ja mei“ moant de drauf
„Zillatol isch betrogn
i bin uan von denen
in Geldbeitl gflogn“
„Vierzehn Tog hot der
des nimma aufton
und i hun nicht zfressn
des hun i davun“
Seite 118
