Page 65 - Rossa 4
P. 65
Gedichte Joseph Rossa
Früahschoppn
Am Sonntag nach da Zehnemess
Hockt ois beim Wirt beinand
De Frauen gengan daweil hoam
Sie schonens s´Sonntagsgwand
Und boid drauf kimmt da Pfarrer aa
Um de Zeit hot er Durst
A dunkle Hoiwe frisch vom Fass
Mit Brezn und a Wurscht
Nur heut da schaugt er grantig drei
Und hot a Lätschn zogn
Da Girgl sagt du Hochwürdn
Heut schaugst fei scho betrogn
Ja is aa wahr, da Pfarrer raunzt
Und stöhnt an frommen Fluch
De erste de heut beichtn war
Beicht scho an Ehebruch
Seite 65
