Page 69 - Rossa 4
P. 69
Gedichte Joseph Rossa
Sexualkunde
Wenn i so denk, zu meiner Zeit
was war des für a Gfrett
ob man a Madl scho mit zwanzg
mitnehmen derf ins Bett.
Des olles is heut koa Problem
de ganze Zeugungsgschicht
wird in da 3. Klass´ erklärt
und zoagt im Unterricht.
Für manche Lehrkraft is ned leicht
de Grenz is ziemlich eng
weil d´Lehrerin scho älter is
fragt´s vorsichtshalber streng:
„Wer von euch glaubt denn an den Storch?“
De Kinder rührn se kaum
bis na der Michl sagt: „I nit
mei Schwester muaß dron glaubm.“
De Susi, dreizehn is sie grod
aufgweckt, so wias heut sind
sie fragt de Lehrerin: „Sie, kriagt
a Oma aa a Kind?“
Seite 69
