Page 10 - Siedler
P. 10
Gedichte Gertraud Siedler (Thierbach/Wildschönau)
November
G`fuxat send de Bam iatz oi,
ganga is` krad auf amoi.
A koide Nacht – und scho` is` g`schech`n,
und mia miass`nd an Herist a d` Aug`n wieda sech`n.
A kuschze Bois krad is da Summa,
ma danutzt`n gar nit aus,
aft is er a scho wieda umma,
a u`liaware Zeit steht wieda a`s Haus.
De goidan Tag, dia muaßt genieß`n,
an g´scheidest speichern, wo`s krad geht.
Aft tuat`s Di nachand nit so vadriaß`n,
wenn d` Newiwand vor`n Fensta steht.
De Natur ku` ins des lehr`n –
soitzt vo de scheen Momente zehr`n.
Daleb`s bewußt und koit das auf,
dann bist a da dunklen Bois guat drauf!
Seite 10
