Page 14 - Siedler
P. 14
Gedichte Gertraud Siedler (Thierbach/Wildschönau)
Der Krautinger
„Nit z´vui schmeck´n - krad gach trinken,
weil des Zeug tuat schrecklich stinken“!
So wird´s manchem Gast u´g´sagt,
wenn er sein´ersten Krautinger wagt…
Daweil is er eh gar nit so schlimm,
is ja echt nix Giftig´s drin!
Die Stoppelruab´n werd´nd ganz fein brennt,
zum Schnaps, den man als Krautinger kennt.
Schnaps is im Grunde eh zu pauschal,
und als Bezeichnung zu normal.
Geheimtipp und Volksmedizin,
des kimb da schon eher hin!
Wenn Du hast beim Magen a Leiden,
und Dir kimb fi, Du muast gar sp… - äh – auf´s Klo geh´,
a Schluck von Krautinger is g´nuag,
und Dein Magen geht´s wieder guat!
Oder wenn zu gewisse Jahreszeiten,
der Mitmensch an der Gripp´tuat leiden,
glei zu an Stamperl Krautinger greifen,
und auf den Virus, den kannst pfeifen!
Wer an Krautinger kennt, woaß a genau,
den gibt´s nur in der Wildschönau.
Und dass des a für ewig tuat bleiben,
darf man der Maria Theresia zuschreiben.
Seite 14
