Page 4 - Wieshofer
P. 4
Gedichte Marianne Wieshofer
D´Nostalgie
A jeder suacht heit d´Nostalgie
drum ziachts dih zu a Alm glei hi.
Ja gei du kennst di nimmer aus –
des Hüttei is a „Alpmhaus“.
Frei fesch stehts då so aus Beton
Terrassn – Almbar und Balkon.
und sehnst die nach an Almafried
ja da magst suachn – den findst nit!
A Kinderspielplatz is ah då…
halt nett die Küah – die gehen mar åh!
A flotte Sennerin des kennst glei
tragt d´Lederhosn „nabelfrei“!
Und alls kannst habm – a Limonad
an Kuchn, Tortn, Trinkschoklad,
a Brettljausn, Bier und Wei
a Eis homs in der Gfriertruch drei.
Und wem halt oan noh nettat just
amende um a Milch gar glust
„wia guat, dass da a Handy gib,
die führns von Tal her mitn Tschip“!
Fürn Gast da gebm sie sieh vui Müah
ban Kas steht „Holland“ – ban Papier.
„Ja guat schmeckts scho die Almakost“,
ich trink a Schnapsei „Leitl Prost“.
Seite 4
