Page 6 - Wieshofer

Gedichte Marianne Wieshofer

Di Maus und der Weberknecht

Im Keller unta inserm Haus

da gwiggetzt znagst amal a Maus.
A Weberknecht steht a der Wand

die zwei dia streitn miternand.

Des ganz Gespräch geht wegn da Kost

und ich hon auf der Stiagn gach glost.

„Sag, ißt du nix, du zaundürrs Viech

weil ich bei dir koan Bauch nit siech?

Bei dir da legt sih gar nix oh

da is ja umantum nix droh!

Ja is dir nit in d´Haxn zkalt?

Paß auf weil sust dafriaßt noh bald!“

„Na mei Figur, die is scho krecht,

moant gschnappig drauf der Weberknecht,

ah meine Füaß dia habm koan Tadl,

ich ziach halt Stutzn über d´Wadl,

und spring aufüber im Galopp,

ich zoag dirs, dass ih nit laar fopp!“

„Aft bleibm die guatn Sachn mir,

so werd sei Lebtag nix aus dir!“

Seite 6