Page 108 - Brenn_2014

Gedichte bis 2015 Hubert Brenn (Längenfeld im Ötztal)

Lei nit bei ins

Flichtlinge und Asylantn
lei nit bei ins

a Berotungsschtelle fier Drögnkronke
lei nit bei ins

a Heim fier Menschn mit bsundern Bedirfnissn
lei nit bei ins

a Wonhaus fier vöermolige Zuchtheislar
lei nit bei ins

a Haus fier schwierige Kinder und pröblematische Jugndliche
lei nit bei ins

a Schpitol ö fier Auslendar
lei nit bei ins

a Park fier olle
lei nit bei ins
olles
iberoll

grod nit bei ins
olles wos ondrchrt ischt

lei nit bei ins
si hobms dozemol ö gset
wie se ongeklöpfet hobm
an Untrkumft gsüechet hobm
an Plotz gebrauchet hattn

olm widr is Gleiche:
lei nit bei ins

Seite 108