Page 21 - Brenn_2014

Gedichte bis 2015 Hubert Brenn (Längenfeld im Ötztal)

Und oftr

Und oftr is holt asö kemen
und oftr hot olles zomm nuicht mea genutzet
und oftr is numma auzehebm gewesn
und oftr sein se olle frei zomm gschprungen
und oftr hobm se di Hende zomm gschlogn
und oftr hobm se si di Meiler drrissn
und oftr hobm se si gonz entsetzlach augereget
und oftr hobm se gset asö nie mea und numma
und oftr hein se ibroes kemen gonz ondrchrt ze tien
und oftr hobm se vrhoeßn olles dron zu setzn und si gschlin
und oftr sein se ausnonder gongen
und oftr sein se mea wos zefridn gewesn
und oftr hot si gor nuicht mea geton
und oftr ischt vil Zeit vrgongen
und oftr is genau asö blibm wies drvöer gewesn ischt
und oftr hobm se si bschtetigt gewescht
und oftr is nen olles mea wos recht gewesn
und oftr ischt nen numma gor asö vil ingfolln
und oftr hobm se gegnoppet und züegschtimmet
und oftr is kemen wies kemen ischt

Seite 21