Page 26 - Brenn_2014

Gedichte bis 2015 Hubert Brenn (Längenfeld im Ötztal)

Dr Wind, mei Freind

Mei Freind dr Wind ischt widr do
er beitlt olle Blattlen o
und atie lot ar numma vil dron
er zoeget mr wö i nochgelot hon
Mei Freind dr Wind moets güet mit mir
er tret mr olles züe vo dir
lei hea ze mir bringet ar di nit
drfier vrwat und nimmet ar ollerhond mit
Mei Freind dr Wind ischt rauch und lind
ischt gröbe ödr zorchrt wie ze an Kind
und wenn i amol gonz draus und zerrittet bin
nimmet ar mi in Orm und wicklt mi in
Mei Freind dr Wind lot mr koe Rüe
er jet mi au und redet mr güet züe
mochet mr Müet, dass i mein Plotz amol schöen find
er lot mi nie in Schtiche, mei Freind, dr Wind

Seite 26