Page 54 - Brenn_2014
P. 54
Gedichte bis 2015 Hubert Brenn (Längenfeld im Ötztal)
Kirchtog
Kirchtog ischt heit
wös lautr güetn Zuig geit
a Bratle, Kropfn und Nuischmolz
vo Haus ze Haus auf dr Wolz
Lengescht amol on Sonkt Kothrein
hot mans gemietlach gehobm und fein
heit lodet an niemat mea in
dos kam koen mea in Sinn
Niemat hatt sis asö gedocht
dr Föerchrtschritt hots brocht
koe Ball, koe Tonz – ischt olles nit töll
und ö di Kircha ischt lengscht numma völl
asö is, hall wöll
Ollersealn
Mir denkn heit an die, die ins vöeraus gongen sein
den Weg, den mr olle amol ze gean hobm
do an Freidhöfe in iern Grebern lign se begrobm
wö di Liechter flockern wie di Schterne an Himml schein
Do leit, wos blibm ischt von schindn und trömen
do geits koe Glicksüeche mea und koen Geneat
und vileicht drkennet man, um wos es in Lebm eigntlach geat
dr Töed hot Loed, Liebe, Lebm, oefoch olles genömen
Und i bet: Her, gib nen di ewige Rüe
is ewige Liecht sell fier se olm schein
denen mr ibrn Töed außn vrbundn sein
und amol geherchrt jeder vo ins salt ö drzüe
Seite 54
